4 drug suspects arestado sa magkahiwalay na operasyon sa Cebu
Timbog ang 4 na drug suspects sa 2 magkahiwalay na buy bust operations sa Cebu City mula Lunes ng gabi hanggang Martes ng umaga.
Nakuhanan ng mga miyembro ng Guadalupe Police Station ng shabu na nagkakahalaga ng P34,000 ang habal habal driver na si Samuel Jacalan.
Ayon kay Captain Dexter Basirgo, hepe ng Guadalupe Police Station, armado ang otoridad ng search warrant na inilabas ni Judge Marlon Jay Moneva ng Regional Trial Court Branch 20.
Samantala, arestado ang 3 suspek sa Sitio Bakilid, Barangay Quiot na nakuhanan ng P204,000 halaga ng droga.
Isinagawa ng operasyon ng Labangon Police Station sa bahay ni Celso Enero na nasa listahan ng Barangay Anti-Drug Abuse Council (BADAC).
Naaresto rin sina Syrel Amora, 27 anyos at Ronald Luste, 42 anyos na kukuha dapat ng kanilang supply mula kay Enero.
Isang linggo nang minomonitor si Enero hanggang makumpirma na nagsusuplay ito ng shabu sa ilang katao.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.