Pagasa naglabas ng thunderstorm advisory sa Metro Manila at karatig na mga lugar
Sa gitna ng matinding init na umiiral sa bansa ngayon, nakaranas ng pag-uulan sa ilang bahagi ng Metro Manila at kalapit na mga lalawigan Martes ng gabi.
Sa Thunderstorm Advisory ng Pagasa inilabas alas 8:34 ng gabi, umiral ang malakas na ulan na may pagkidlat at malakas na hangin sa Metro Manila, Cavite at Bulacan.
Ayon sa Pagasa, ang thunderstorm ay tatagal ng hanggang 2 oras.
Partikular na nakaranas ng thunderstorm ang Laguna; Sampaloc, General Nakar at Real sa Quezon; Hermosa, Orani, Samal at Morong sa Bataan; Tanauan at Sto. Tomas sa Batangas at Jala-Jala, Pililla at Cardona sa Rizal.
Pinayuhan ng Pagasa ang mga residente sa mga apektadong lugar na mag-ingat sa epekto ng thunderstorm.
Posible rin ang flash floods at landslides bunsod ng thunderstorm.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.