P3.4M na halaga ng ilegal na droga nakumpiska sa bahay ng barangay kagawad sa Talisay City

Arestado ang isang barangay kagawad sa Talisay City matapos makuhanan ng milyun-milyong pisong halaga ng ilegal na droga sa kaniyang bahay.

Isinagawa ng mga tauhan ng Provincial Intelligence Branch at PDEU ng Cebu Provincial Police Office ang pagsalakay sa bahay ni Kagawad Bimbo Ramos sa Lawaan III sa Talisay City.

Pinagunahan nina Police Captains Alejandro Batobalonos at Nazareno Emia ang raid kung saan nakumpiska ang aabot sa P3.4 million na halaga ng ilegal na droga.

Hawak na ngayon ng mga otoridad si Ramos.