Mga beteranong Pinoy binigyang pagpupugay ngayong Araw ng Kagitingan

Bilang bahagi ng pagdiriwang ng Araw ng Kagitingan, nagdaos ng aktibidad sa Corregidor.

Pinangunahan ni Tourism Sec. Bernadette Romulo-Puyat at ng Philippine Coast Guard ang aktibidad kung saan nagsagawa ng wreath-laying ceremony.

Mahigit 200 mga beterano, guests at iba pa ang lumulan sa coast guard vessels para sa seremonya.

Mula Peri 13, South Harbor sa Maynila, isinakay sila sa BRP Malabrigo (MRRV 4402), BRP Cape Engaño (MRRV 4411) at BRP Kalanggaman (FPB 2402) patungo ng Corregidor Island at pabalik.