Confidentiality sa imbestigasyon sa mga hukom na nasa narco-list tiniyak ng SC

Hindi mamadaliin ng Korte Suprema ang imbestigasyon nito sa mga hukom na sinasabing sangkot sa ilegal na droga.

Ayon kay Supreme Court Chief Justice Lucas Bersamin, mabigat ang akusasyon kaya magiging masusi ang imbestgasyon dito ng mataas na hukuman.

Noong nakaraang linggo ay itinalaga si Associate Justice Diosdado Peralta para makipag-ugnayan sa PDEA.

Sinabi ni Bersamin na hindi naman maaring basta-basta maglabas ng pagkondena ang SC sa mga mahistradong sangkot nang walang sapat at matibay na basehan.

Mananatili din ayon kay Bersamin na confidential ang proseso ngimbestigasyon laban sa mga hukom.