93% ng mga balota para sa May polls, naimprinta na – Comelec

Tapos na ang pag-imprinta ng mahigit 59 milyong balota na gagamitin sa 2019 midterm elections.

Sa press briefing, sinabi ni Comelec Spokesman James Jimenez, nasa kabuuang 59,298,986 na ang naimprinta balota hanggang Arpil 7, 2019.

Katumbas aniya ito ng 93.15% percent ng kailangang balota sa nalalapit na eleksyon.

Ayon sa Comelec, kailangan na lamang gawin ang mga balota para sa National Capital Region (NCR).

Inaasahan aniyang matatapos ang pag-imprinta ng natitirang 4,363,495 ngayong linggo.

Matatandaang sinimulan ang pag-imprinta ng mga balota noong February 9, 2019.