Mastermind sa pagpatay kay Enzo Pastor, arestado
Nahuli na ang itinuturong mastermind sa pagpaslang kay Enzo Pastor na si Sandy De Guzman.
Ayon kay National Bureau of Investigation Assistant Regional Director Rommel Vallejo, naaresto si De Guzman sa isang safe house sa Silang, Cavite nito lamang gabi ng Huwebes.
Dinala na sa NBI si De Guzman para sa mga kaukulang proseso kasunod ng pag-aresto sa kaniya.
Una nang may mga inilabas na warrant of arrest para kay De Guzman at sa asawa ng biktima na si Dahlia Pastor dahil sila ang itinuturong nasa likod ng pagpatay kay Enzo.
Samantala, nagpasalamat naman ang pamilya Pastor sa mga tauhan ng NBI sa pagkakahuli sa pumatay sa kanilang kaanak.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.