Hindi inaasahang outage ng 5 planta ng kuryente dahilan ng yellow alert sa Luzon Grid
Limang planta ng kuryente ang nakaranas ng forced o unplanned outage na naging dahilan ng deklarasyon ng yellow alert sa Luzon Grid, Biyernes, Apr. 5 ng hapon.
Ayon sa Department of Energy (DOE), kabilang sa mga nakaranas ng hindi inaasahang outage ay ang sumusunod na planta:
• Malaya Unit 2 (350 MW)
• Pagbilao Unit 3 (420 MW)
• SLTEC Unit 1 (135MW)
• Makban Unit 7 (20 MW)
• Tiwi Unit 1 (60 MW)
Sa kabuuan, aabot sa 985 MW ang nawala dahil sa pagpalya ng naturang mga planta ng kuryente.
Itinaas ang yellow alert ala 1:00 ng hapon dahil numipis ang reserba sa Luzon Grod.
Ayon sa DOE, lifted na ang yellow alert dakong alas 3:22 ng hapon makaraang bumaba na ang demand sa kuryente.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.