Biyahe ng MRT-3 dalawang beses nakaranas ng saglit na aberya
Nakaranas ng aberya sa biyahe ng MRT-3 ngayong Biyernes, Apr. 5 ng hapon.
Ayon sa MRT-3 alas 2:45 ng hapon nang pansamantalang ihinto ang biyahe ng mga tren sa northbound sa Magallanes station.
Alas 3:15 ng hapon ay naiayos din agad ang problema at naibalik sa normal ang biyahe.
Hindi naman nagdulot ng unloading o pagpapababa ng pasahero ang aberya.
Samantala, bandang alas 4:30 ng hapon,isang tren muli ng MRT ang nagkaproblema.
Ayon sa mga pasahero, nag-anunsyo ng stop train ang driver ng tren dahil may pasaherong sumandal sa pintuan.
Nag-alarm ang pinto habang umaandar ang tren kaya kailangan itong ihinto.
Sa pagtaya ng mga pasaherong sakay ng tren, 15-minuto ding nakahinto ang tren.
Hindi rin nagresulta ng unloading ang insidente.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.