2 suspek sa pagpatay sa mag-iina sa Bulacan, kinasuhan na

By Jong Manlapaz April 05, 2019 - 03:31 PM

Radyo Inquirer Photo / Jong Manlapaz
Ipinagharap na ng kaso ang dalawang suspek sa pagpatay sa mag-iina sa San Jose Del Monte, Bulacan.

Ayon naman kay Police Lt. Col. Orlando Castil Jr., hepe ng SJDM police, kasong robbery with multiple homicide an isinampa kina Wilson Cortez Nozal at Joselito Tolibas Cortez

Batay sa resulta ng autopsiya, walang nakitang palatandaan na ginahasa ang nanay ng mga bata habang multiple wounds ang tinamo ng mga biktima mula sa kutsilyo na ginamit sa krimen.

Sinabi ni Castil na batay sa pahayag ng mga suspek, napilitan sila na idinamay ang mga bata dahil namukhaan na sila ng mga ito.

Batay sa imbestigasyon, kinakasama ng suspek na si Wilson ang kamag-anak ng biktima.

Lumitaw din sa otopsiya na gumamit din ng electrical wire ang mga suspek para
ipangsakal sa ina at may mantsa pa ng dugo ang mga damit ng mga suspek.

Una nang sinabi ng Bulacan police na case closed na ang insidente dahil umamin naman ang dalawa sa kanilang ginawa.

TAGS: Bulacan, crime, homicide suspects, robbery with homicide, san jose del monte bulacan, Bulacan, crime, homicide suspects, robbery with homicide, san jose del monte bulacan

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.