Pulis na tulak ng ilegal na droga arestado sa Makati
Arestado ang isang pulis na nagtutulak ng ilegal na droga sa ikinasang buy-bust operation sa Barangay East Rembo sa Makati, Biyernes (April 5).
Nakumpiska ang 5 sachet ng hinihinalang shabu na nagkakahalaga ng P25,000
Ayon sa mga otoridad, may ranggong Police Staff Sergeant ang naarestong pulis na nakatalaga sa Police
Security and Protection Group.
Ginalugad din ng mga ototridad ang bahay ng suspek kung saan nakumpiska naman ang 2 baril, mga
bala, mga timbangan, at iba pang drug paraphernalia.
Nahaharap ang suspek sa kasong administratibo at paglabag sa Republic Act No. 9165 o Comprehensive Dangerous Drugs Act of 2002.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.