Reklamo laban sa drug war ni Pangulong Duterte umusad na sa ICC

Inumpisahan na ng International Criminal Court (ICC) sa The Hague ang preliminary examination sa kasong isinampa laban kay Pangulong Rodrigo Duterte hinggil sa war on drugs ng pamahalaan.

Ayon sa National Union of People’s Lawyers (NUPL) natanggap nila ang liham mula sa Office of the Prosecutor ng ICC na may petsang April 4, 2019.

Nakasaad sa liham na sinimulan na ang preliminary examination sa reklamo ng NUPL na laban kay Duterte na isinampa noong August 2018.

Magugunitang isinampa ng NUPL ang reklamo laban sa pangulo kasama ang kaanak ng walong biktima ng war on drugs.

Ito na ang ikalawang petisyon laban sa war on drugs ng administrasyon ni Duterte.

Ang una ay inihain ng abogadong si Jude Sabio noong April 2017.