WATCH: “Kill This Love” ng BLACKPINK trending; may 21M views na sa Youtube makalipas ang 10-oras
Trending ang bagong kanta ng sikat na South Korean group na BLACKPINK na “Kill This Love.”
Ang nasabing kanta ay nakapaloob sa ikalawang extended play o E-P ng grupo kasunod ng debut E-P nilang “Square Up.”
Kasabay ng paglabas ng bagong kanta – trending sa Twitter Philippines ang hashtag na “Kill this love with BLACKPINK” na nasa number one spot.
Sinabayan din ito ng music video na mayroon ng higit 21-million views sa Youtube sa loob lamang ng 10-oras.
Nakapaloob sa bagong E-P ng BLACKPINK ang iba pang kanta gaya ng “don’t know what to do”, “Kick It,” “Hope Not,” at ang remix ng sikat nilang kanta na “Ddu-Du Ddu-Du.”
Noong Pebrero lang ay nagdaos ng concert sa Pilipinas ang nasabing grupo at nakatakda namang silang lumabas sa Coachella Valley Music and Arts Festival sa Indio-California na kauna-unahang pagkakataon sa isang Korean group.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.