MRT at LRT may libreng sakay sa mga beterano mula ngayong araw

Libre ang sakay ng lahat ng Filipino Veterans sa MRT-3 at LRT-2 simula ngayong araw, April 5 hanggang sa April 11.

Ang isang linggong libreng sakay para sa mga beterano ay bahagi ng selebrasyon ng Philippine Veterans Week at Araw ng Kagitingan.

Simula sa pagbubukas pa lamang ng biyahe ng mga tren hanggang sa huling biyahe ay libreng makasakay ang mga beterano at isang kasama nila.

Kailangan lamang ipakita ang kanilang ID na inisyu ng Philippine Veterans Affairs Office para sa libreng sakay.