Sa panayam ng Radyo Inquirer, sinabi ni Philippine Coast Guard (PCG) spokesman Captain Armand Balilo, base sa pakikipag-ugnayan ng kanilang hanay sa Department of Environment and Natural Resources (DENR), nakansela na kasi ang permit to operate at environmental compliance certificate ng MV Emerald para makapagsagawa ng dredging operation o pagkuha ng buhangin sa Lobo River.
Gayunman, sinabi ni Balilo na hindi pa maaring palayasin ng PCG ang barko sa Lobo.
Paliwanag ni Balilo, kumpleto kasi sa dokumento ang MV Emerald at wala namang nilalabag na batas sa Pilipinas.
Katunayan, nagbayad ang MV Emerald ng anchorage fee sa Philippine Port Authority para sap ag angkorahe ng barko sa anchorage area.
Sa pagtaya ni Balilo, nasa P50,000 kada araw ang anchorage fee.
Wala aniyang timetable kung hanggang kailan maaring manatili sa lugar ang barko. Hanggat nagbabayad aniya ang barko ng anchorage fee, walang dahilan ang PCG na paalisin ang MV Emerald.
Ayon kay Balilo, Singaporean based ang barko at naka rehistro sa Africa.