3 lalaki arestado sa pagnanakaw ng mga groceries sa mall sa Makati
Arestado ang tatlong merchandizers matapos magnakaw ng mga groceries na nagkakahalaga ng P30,000 mula sa Century City Mall sa Kalayaan Avenue, Makati City.
Ayon sa Makati City Police Station, ang mga suspek ay sina Richard Ryan Picazo, 34 anyos; Jeffrey Bascuguin Pereye, 31 anyos at Rooserto Basco Jr., 28 anyos.
Nakasaad sa police report na nilapitan nina Picazo at Basco ang gwardyang si Jemmar Godito na nasa customer entrance para ito ay lituhin.
Sa puntong ito ay ipinupuslit na ni Pereye ang mga grocery items palabas ng mall.
Nakita ng gwardya si Pereye at hiningan ito ng mga resibo para sa mga groceries pero walang naipakita ang suspek.
Agad na inireport ng gwardya at ng mall ang pagnanakaw ng 3 suspects na nahaharap ngayon sa kasong qualified theft.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.