DOE: Publiko hindi dapat mabahala sa pagsasailailalim sa Luzon Grid sa yellow alert

Ipinagsawalang-bahala ng Department of Energy (DOE) ang pagsasailalim sa Luzon Grid sa yellow alert kahapon at hindi dapat ito ikaalarma.

Ayon kay DOE Assistant Secretary Redentor Delola ang yellow alert ay dahil lamang sa unscheduled shutdown ng ilang mga planta ng kuryente.

Iginiit ni Delola na may sapat na suplay ng kuryente ang Luzon grid ngayong summer months.

Ang yellow alert ay itinataas sakaling may mababang reserba ng kuryente ngunit hindi ito nangangahulugan na magkakaroon agad ng power outage.

Naalarma ang grupong Bayan Muna sa yellow alert status at hinimok ang publiko na maging mapagmatyag.

Ayon kay Bayan Muna chairman Neri Colmenares, hindi dapat gamitin ng power generators at distributors ang shutdowns para magtaas ng singil sa kuryente.

TAGS: Bayan Muna, DOE, DOE Assistant Secretary Redentor Delola, luzon grid, Neri Colmenares, planta ng kuryente, power generators, sapat ang supply, Summer, Tag-init, unscheduled shutdown, Yellow Alert, Bayan Muna, DOE, DOE Assistant Secretary Redentor Delola, luzon grid, Neri Colmenares, planta ng kuryente, power generators, sapat ang supply, Summer, Tag-init, unscheduled shutdown, Yellow Alert