Makalipas ang 8 oras, Mayweather no show sa press conference

By Len Montaño April 03, 2019 - 12:46 AM

Inisnab ni boxing champion Floyd Mayweather Jr. ang nakatakdang press conference nito Martes ng hapon.

Nakatakda ang presscon alas 3:00 ng hapon sa Resorts World Manila pero makalipas ang 8 oras ay hindi ito dumating.

Humingi ng paumanhin ang event organizers hindi dahil sila ang may kasalanan kundi dahil sa pabago-bagong isip ni Mayweather na nagresulta una sa delay ng event at kalaunan ay kanselasyon nito.

Sa anunsyo ng isang kinatawan ng Resorts World Manila dakong 9:00 ng gabi, pabirong sinabi na tila nag-enjoy nang mabuti ang boksingero kaya iniba nito ang kanyang itinerary.

Makalipas ang 2 oras ay tuluyan nang inanunsyo na hindi na makakarating si Pretty Boy Floyd.

Sakay ng kanyang private jet ay dumating si Mayweather noong Linggo at pumunta ito sa Boracay at kasunod ay ang endorsement nito para kay Dr. Vicki Belo.

Nakatakdang umalis si Mayweather ngayong Miyerkules.

TAGS: 8 oras, boracay, delay, Dr. Vicki Belo, floyd mayweather jr, kanselasyon, no show, press conference, resorts world manila, 8 oras, boracay, delay, Dr. Vicki Belo, floyd mayweather jr, kanselasyon, no show, press conference, resorts world manila

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.

Your subscription could not be saved. Please try again.
Your subscription has been successful.

Subscribe to our newsletter!

By providing an email address. I agree to the Terms of Use and acknowledge that I have read the Privacy Policy.