Aapela ang Home Development Mutual Fund (Pag-IBIG Fund) na maitaas ang kontribusyon ng kanilang mga miyembro.
Napako na kasi sa P100 kada buwan ang kontribusyon ng mga miyembro kaya nais ng Pag-IBIG na maging P150 o P200 ito na tatapatan naman ng employer.
Ayon kay Pag-IBIG President at Chief Executive Officer Acmad Moti, sa nakalipas n 7 taon ay hindi bababa sa 15 porsyento ang dagdag na pautang ng ahensya kabilang ang multi-purpose loan.
Magtataas ang Pag-IBIG ng kontribusyon kung mananatiling lampas sa 10 porsyento ang dagdag na pautang.
Iginiit ni Moti na dapat ay abot-kamay pa rin ang kanilang rates at kailangan nilang pag-isipan ang magiging source ng pondo nang hindi nangungutang.
Pero paniniyak nito, sa pagtaas ng kontribusyon ay lalaki rin ang pwedeng utangin gayundin ang ipon o savings ng miyembro.
Taong 2021 ang target date ng Pag-IBIG para sa dagdag kontribusyon.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.