8 kabilang ang isang menor de edad arestado sa buy-bust sa QC
Arestado ang walong katao kabilang ang isang 16 anyos na binata sa ikinasaygn buy-bust operation ng mga otoridad sa Quezon City.
Kinilala ang pito sa mga suspek na sina Orly Sandagon, 38; Mary Ann Espina, 22; Ricardo Espina, 20; Jay-ar Bulanadi, 18; Rommel Dela Cruz, 21; Eden Bulandi, 36, at Jernel De Vera, 24.
Si Sandagon ay dati nang nakulong dahil din sa kasong may kaugnayan sa ilegal na droga.
Nadakip ang 8 sa isang apartment unit sa Malvar Street, TS Cruz Subdivision, Brgy. San Agustin sa Novaliches.
Nakuha sa kanila ang 50 gramo ng shabu na tinatayang aabot sa P340,000 ang halaga at ang P4,200 na marked money.
Dinala sa police station ang mga nadakip habang dadalhin sa DSWD ang isang menor de edad.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.