DSWD tukoy na ang nagtapon ng bulok na bigas sa Dagami, Leyte
Ang warehouse supervisor ng DSWD sa Eastern Visayas ang nag-utos na itapon ang mga nabubulok na bigas sa isang liblib na barangay sa Dagami, Leyte kamakailan.
Ito ang isiniwalat ni Nestor Ramos, director ng regional office ng kagawaran.
Paliwanag ni Ramos, ang naturang bigas ay bahagi ng mahigit sa 3,700 sako ng relief supplies na nakaimbak sa Citi hardware upang ipamahagi sa mga biktima ng bagyong ‘Ruby’ sa Samar.
Gayunman, nabasa aniya ang nasa 164 sako ng bigas habang idinideliver at tuluyang nasira.
Dahil dito, nagpasya ang hindi pinangalanang warehouse supervisor na itapon ang mga bulok na suppliers sa Bgy. Maca-alang sa Dagami ngunit hindi ito ipinag-bigay alam sa kanya.
Humingi naman ng paumanhin si Ramos sa insidente at nangakong iimbestigahan ang opisyal na nasasangkot sa pagtatapon ng bulok na bigas nang walang kaukulang permiso.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.