4 na suspek, timbog sa buy-bust ops sa QC

Arestado ng apat na suspek sa ikinasang buy-bust operation sa bahagi ng Barangay Paligsahan, Quezon City.

Ayon kay Col. Benjie Tremore, nahuli ang suspek na si alyas ‘Roger,’ 34-anyos, makaraang mabilhan ng isang pulis na nagsilbing poseur buyer ng P6,000 na halaga ng shabu.

Maliban sa target, naaresto rin ang mga kasabwat na sina alyas ‘Nestor,’ 48-anyos, at alyas ‘Lottaday,’ 35-nyos, sa pagbebenta ng mga kontrabando.

Nakuhaan din ng isang pakete ng shabu ang isang alyas ‘Daniel,’ 29-anyos, na sinasabing parokyano ng target sa operasyon.

Sa kabuuan, nakumpiska ng mga pulis ang ilang pakete ng hinihinalang shabu na nagkakahalaga ng P108,000.