WATCH: Taunang Earth Hour isinagawa sa iba’t ibang bahagi ng mundo

Bilang pagpapakita sa pagmamahal at pagsalba sa kalikasan, isinagawa Sabado ng gabi ang taunang Earth Hour.

Kabilang ang Pilipinas sa mga bansa sa buong mundo na nakiisa sa aktibidad.

Ilang shopping malls, unibersidad at pasilidad ang sabay sabay na nagpatay ng mga ilaw sa loob ng isang oras mula alas 8:30 ng gabi.

Sa Cebu City, sa isang malaking mall ginawa ang selebrasyon.

Hinimok ang mga tao na sumaksi sa Earth Hour na magbigay ng commitment na iligtas ang Mother Earth sa pamamagitan ng paglagay ng kanilang neon hand prints sa blackboard.

Sa isa namang lugar sa Mandaue City, nag-share ang mga tao sa candlelit dinner habang nakapatay ang mga ilaw sa loob ng isang oras.