Apat ang sugatan sa sunog sa isang residential area sa Muntinlupa City Biyernes ng gabi.
Ayon sa City Disaster Risk Reduction and Management Council, isang residente ang nagalusan sa likod habang ang tatlong iba pa ay nasugatan sa paa at kamay.
Agad ding namang ginamot sa lugar ang mga nasugatan.
Sumiklab ang sunog sa Creekside, Purok 6, Tramo Sucat, Muntinlupa alas 6:27 ng gabi.
Makalipas ang isang oras ay itinaas ang sunog sa ikatlong alarma.
Sinabi ni Fire Officer 1 Mark Roger Robedillo ng Muntinlupa Fire Station na idineklarang under control ang sunog dakong 8:28 ng gabi.
Pasado alas 9:00 ng gabi ay tuluyan nang naapula ang sunog.
Iniimbestigahan ang dahilan at halaga ng pinsala sa ari-arian bunsod ng sunog.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.