3 arestado sa buy bust operation sa Quezon City
Timbog ang isang mag-asawa at kanilang kasamahan sa isinagawang buy bust operation sa Brgy. Socorro, Quezon City.
Ayon kay Sr. Insp. Ramon Aquiatan ng Station 7 ng QCPD, si alyas ‘Jojo’ na supplier ng droga sa mga jeepney drivers sa lugar ang target ng kanilang operasyon.
Positibong nakabili ang poseur buyer ng P500 halaga ng shabu mula kay Jojo dahilan para arestuhin ito.
Inaresto rin ang asawa ni Jojo at kanilang isang kasamahan.
Sinabi pa ni Aquiatan na dati nang nakulong ang tatlo dahil pa rin sa iligal na droga.
Depensa ng mga suspek, nagbagong buhay na sila at hindi na muli pang gumamit ng bawal na gamot.
Nakuha mula sa mga ito ang 33 sachet ng hinihinalang shabu.
Mahaharap ngayon ang tatlo sa kasong paglabag sa RA 9165 o Comprehensive Dangerous Drugs Act of 2002.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.