Michael de Mesa direktor na ng FPJ’s Ang Probinsyano’

Maliban sa pagiging bahagi ng casts ng ‘FPJ’s Ang Probinsyano’, direktor na rin ng nasabing treleserye si Michael De Mesa.

Sa kanyang Instagram ibinahagi ng aktor ang larawan habang nagdi-direk ng bahagi ng teleserye.

Sinabi ni De Mesa na malaking karangalan na siya ay maging direktor ng “Ang Probinsyano’ na nag-umpisa kagabi at hanggang sa mga darating na mga araw.

Makakasama niya ang iba pang direktor ng teleserye na sina Malu Sevilla, Enzo Williams, at Coco Martin na ginagamit ang tunay niyang pangalan na Rodel Nacianceno.

Nananatili rin ang pagganap ni De Mesa bilang bahagi ng grupong Vendetta na pinamumunuan ni Cardo Dalisay.