1 sugatan sa sunog sa San Juan

Nasugatan ang isang fire volunteer sa sumiklab na sunog sa isang pagawaan ng muwebles sa San Juan City, Miyerkules ng hapon.

Tinupok ng apoy ang warehouse ng SCT Furnishing Corporation sa R.J. Fernandez St. sa Barangay Kabayanan pasado 4:00 ng hapon.

Nakilala ang biktima na si Angelito Juan makaraang magtano ng sugat sa bahagi ng kaniyang kanang kamay.

Umabot pa ang sunog sa ikalawang alarma dakong 5:10 ng gabi.

Patuloy pa ang isinagawang imbestigasyon sa sunog.