Kauna-unahang Pinoy “iflix Originals” movie na Mystified showing na sa Biyernes
Mapapanood na ng netizens ang kauna-unahang Pinoy iflix Originals movie na Mystified.
Reunion movie ito ng apat na orihinal na Sang’gre ng fantaseryeng Encantadia na sina Iza Calzado, Sunshine Dizon, Karylle at Diana Zubiri.
Unang eere ang Mystified sa Twitter, alas-8:00 ng gabi ng Biyernes.
Ito ang kauna-unahang pagkakataon sa Southeast Asia na makakapanood ng isang buong pelikula sa naturang social media site.
Sa premiere show ng Mystified, sabay-sabay na makikinood ang apat na aktres at makiki-Twitter party sa kanilang fans.
Gamit ang official hashtag na #MysitifiedOnIFLIX, pwede nang sumali sa usapang pelikula ang netizens at maka-Tweet ang casts.
Iikot sa mundo ng salamangka ang Mystified kung saan pipigilan ng apat na bida na kumawala ang nakakulong na evil Lord Luvictus.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.