Maglive-in partner arestado sa buy-bust sa QC

Arestado ang mag-live in partner sa ginawang buy bust operation ng Station 11 ng Quezon City Police District (QCPD) sa bahagi ng Victory Ave. near cor. Cabalata St., Brgy. Tatalon, Quezon City.

Kinilala ang mga suspek na sina Ronald Buenafe, 33 anyos at Cheryl Ballesteros, 35 anyos na ‘di umano’y nakunan ng mga pulis ng tatlong maliit na plastic sachet na hinihinalang naglalaman ng shabu at P500 na buy bust money.

Lumalabas sa imbestigasyon, nagpanggap na buyer ng shabu ang isang pulis sa mga suspek.

At nang magpositibo na ang mga suspek dito na inaresto ang dalawa.

Ang dalawa ay nahaharap sa paglabag sa RA 9165, na may kaukulang parusang kulong.