ALAMIN: Taas-presyo sa produktong petrolyo ngayong linggo

Isa na namang panibagong oil price hike ang sasalubong sa mga motorista sa linggong ito.

Buena manong nag-anunsyo ang kumpanyang Shell ng kanilang taas-presyo epektibo alas-6:00 ng umaga, bukas araw ng Martes.

May taas-presyo ang gasolina ng Shell na P0.65 kada litro.

Habang ang diesel at kerosene naman ay parehong madaragdagan ng P0.10 kada litro.

Inaasahang sunud-sunod na ring mag-aanunsyo ng oil price hike ang iba pang kumpanya ng langis ngayong araw.

Ito na ang ikapitong sunod na linggong may taas-presyo sa mga produktong petrolyo.