P1.8M halaga ng shabu nasamsam sa CamSur

Nakumpiska ang tinatayang P1.8 milyong halaga ng hinihinalang shabu at sachet ng marijuana sa raid sa Nabua, Camarines Sur Sabado ng umaga.

Ayon sa pulisya, naaresto ang isang suspek na nasa loob ng kanyang bahay kung saan narekober ang mga droga.

Arestado rin ang kasamang lalaki at menor de edad na nasa bahay ng suspek nang isagawa ang raid.

Sinabi ni Chief Insp. Chester Pomar, ang suspek ay No. 4 drug personality sa lugar.

Inasahan na ng pulisya na may mga makukuhang droga sa raid sa bahay ng suspek dahil ilang drug personalities ang kumukuha ng droga mula sa suspek.

Nakuha naman sa suspek ang isang caliber .45, tatlong magazines at ammunition.