Dagdag presyo sa petrolyo, muling ipapatupad sa Martes

Muling magpapatupad ng dagdag presyo sa produktong petrolyo epektibo sa Martes, March 26.

Ito na ang ika-pitong sunod na linggo na magpapatupad ng oil price increase.

Narito ang tinatayang dagdag presyo:

• P0.65-P0.75 kada litro sa gasolina
• P0.05-P0.15 kada litro sa diesel
• P0.05-P0.10 kada litro sa kerosene

Base sa pagtaya, gasolina na naman ang may pinakamataas na taas presyo gaya noong nakaraang linggo.

Una nang sinabi ng Department of Energy (DOE) na maraming refinery sa Asya ang nagpatupad ng maintenance shutdown.

Ito umano ang dahilan ng pagtaas naman ng bentahan ng imported na langis sa world market.