Ayon sa Department of Transportation (DOTr), kahapon, March 20, dumaong sa Tagbilaran port ang M/S Europa lulan ang 322 na mga dayuhang turista.
Ito ang ikatlong international cruise ship na dumaong sa pantalan matapos ang pagbisita ng M/S Europa 2 at M/S Pacific Venus noong Enero 2019.
Sa unang mga buwan pa lang ng 2019, nakapagtala na ng 129% paglobo sa bilang ng mga dayuhang turistang bumisita sa Bohol.
Bukod pa ito sa 20% pagtaas sa domestic passenger traffic. ‘
Magugunitang noong noong Oktubre 2018 nagsagawa ng inspeksyon sina Transportation Secretary Arthur Tugade, Philippine Ports Authority (PPA) General Manager Jay Santiago at PMO Bohol Port Manager James Gantalao sa Tagbilaran Port upang siguruhing maayos, malinis at nagdudulot ito ng maginhawang serbisyo sa mga biyahero.