Kaliwa Dam project maaaring ipatigil ni Duterte kapag may nakitang anomalya

Tanging si Pangulong Rodrigo Duterte lamang ang makapipigil sa konstruksyon ng Kaliwa Dam project na popondohan ng China.

Pahayag ito ng Palasyo matapos sabihin ng Metropolitan Waterworks and Sewerage System (MWSS) na “done deal” na ang Kaliwa Dam project.

Ayon kay Presidential Spokesman Salvador Panelo, magagawa lamang ng Pangulo ang pagharang  kung may makikitang fraud o anomaly sa proyekto.

Ayon pa kay Panelo, pag-aaralan ng kanyang tanggapan na Office of the Chief Presidential Counsel ang panukala ng China pati na ang Japanese firm na nag-aalok ng mas mababang halaga ng  kontrata para sa Kaliwa Dam.

Kukunsultahin din ni Panelo ang mga eksperto sa paggawa ng dam pati na ang mga taga National Economic Development Authority (NEDA) kung bakit mas pinili ang China kaysa sa Japan.

TAGS: "done deal", anomaly, China, fraud, ipatigil, Japan, kaliwa dam, Kaliwa Dam Project, mwss, neda, Presidential spokesman Salvador Panelo, "done deal", anomaly, China, fraud, ipatigil, Japan, kaliwa dam, Kaliwa Dam Project, mwss, neda, Presidential spokesman Salvador Panelo