Kaso ng pagpatay kay Christine Lee Silawan “solved” na ayon sa PNP
Ikinukunsiderang “case solved” ng Philippine National Police o PNP ang kaso ng pagpatay sa 16-anyos na dalagitang si Christine Lee Silawan.
Bagaman case solved na, nilinaw ni PNP Spokesperson Senior Superintendent Bernard Banac na hindi pa ito case closed.
Nananatiling at-large aniya ang dalawa pang suspek sa kaso.
Matatandaang noong araw ng Sabado, March 16, naaresto ng National Bureau of Investigation o NBI ang dating nobyo at pangunahing suspek sa kaso na isa ring menor-de-edad.
Ayon sa mga otoridad, isiniwalat nito ang pangalan ng mga sangkot umano sa krimen.
Kasalukuyang nagsasagwa ng follow-up operations ang mga otoridad para mahuli ang iba pang suspek sa krimen.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.