Banta ni Duterte na sasampalin ang ICC prosecutor, ‘hyperbole’ lang

Tiniyak ng Palasyo ng Malakanyang na hindi sasampalin ni Pangulong Rodrigo Duterte ang mga taga International Criminal Court (ICC) na magtutungo sa bansa para mag-imbestiga sa umanoy nagaganap na extra judicial killings at human rights abuses.

Ayon kay Presidential Spokesman Salvador Panelo, hyperbole o pagmamalabis na pahayag lamang ito ng Pangulo.

Una rito, sinabi ni Duterte na sasampalin niya si ICC Prosecutor Fatou Bensouda kapag pumasok ng Pilipinas.

Ayon kay Panelo, nakaugalian na ng Pangulo na magpahayag ng sobra sobra para lamang mailabas ang kanyang galit.