Stephen Loman, panalo sa Brave event sa MOA
By Renalyn Balansag - Intern March 16, 2019 - 08:09 PM
Dinipensahan ni Igorot Warrior Stephen ‘The Sniper’ Loman ang kanyang ‘Brave of Bantamweight World Champion Title’ makaraang talunin ang kalaban via technical knockout (TKO).
Ito ang main event ng Brave 22: Storm of Warriors na ginanap sa Mall of Asia Arena sa Pasay City.
Sa huling segundo ng kanilang laban hindi na nakabawi ang challenger na si Submission Specialist Elias Boudegzdame ng France sa natamo niyang suntok mula kay Loman.
Dahil dito, pinatigil ng referee ang laban nang hindi na madipensahan ni Boudegzdame ang kanyang sarili mula sa atake ni Loman sa fourth round at ikinosidera itong technical knockout.
Dahil sa pagkapanalo ni Loman, tumaas ang record nito sa 13 wins, 2 loses habang ang kalaban na si Boudegzdame ay bumaba sa 15 wins at 6 losses.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.