Mag-live in partner, arestado sa buy-bust sa Bulacan

Naaresto ang mag-live in partner sa isinagawang buy-bust operation ng Philippine Drug Enforcement Agency (PDEA) sa isang bahay sa Zone 2, Barangay Graceville sa San Jose Del Monte, Bulacan bago mag-alas-11 ng gabi ng Biyernes.

Ayon kay PDEA Region III director Gil Pabilona, itinuturing na high-value target ang suspek dahil sa bulto na kalahating kilo o higit pa ng shabu ang kanilang ibinebentang droga.

Nasamsam sa kanila ang 500 grams na shabu.

Mahaharap sa kaso ang lalaking suspek at ang kinakasama nito dahil sa pagbebenta ng droga.