Taxi nasunog habang binabaybay ang EDSA

Tinupok ng apoy ang isang taxi habang binabaybay nito ang EDSA sa Quezon City.

Ayon SFO3 Rommel Perez ng Agham Fire Station, naganap ang insidente sa northbound ng EDSA malapit sa Balintawak.

Alas 4:40 ng umapoy ang taxi. Agad din naman itong naapula ng mga rumespondeng bumbero.

Ligtas naman ang driver ng taxi.

Inaalam pa kung ano ang pinagmulan ng apoy pero ang unahang bahagi o ang lugar kung nasaan ang makina ang tupok na tupok sa taxi.