10 miyembro ng PDP-Laban kasama sa narco-list

Sampung miyembro ng partido ni Pangulong Rodrigo Duterte na PDP-Laban ang kasama sa narco-list o listahan ng mga pulitikong sangkot sa ilegal na droga.

Ayon kay PDP-Laban spokesperson Ronwald Munsayac, sa listahang mismong si Pangulong Duterte ang naglabas, 10 ay miyembro ng partido.

Sa ngayon patuloy aniya nilang vina-validate ang listahan.

Tiniyak naman ni Munsayac na aaksyunan ito ng partido.

Una rito, sinabi ni Senator Koko Pimentel III, presidente ng PDP-Laban na patatalsikin sa partido ang mga mapapasama sa narco-list at hindi makapagbibigay ng paliwanag.