Suspek sa pagpatay kay Christine Silawan posibleng “psychological maniac” – PNP

Maaaring “psychological maniac” ang suspek sa pagpatay sa labing-anim na taong gulang na dalagita sa Lapu-Lapu City, Cebu, ayon sa Philippine National Police o P-N-P.

Sa isang press conference sa Camp Crame, sinabi ni P-N-P spokesman Senior Superintendent Bernard Banac na tinitignang anggulo sa krimen ang pagiging “psychological maniac” ng suspek.

Posible kasi aniyang magawa ng isang tao ang brutal na krimen kung “psychological maniac” o gumagamit ng ilegal na droga.

Gayunman, hindi pa rin aniya tukoy ng pulisya ang motibo sa pagpaslang kay Christine Lee Silawan.

Matatandaang natagpuang walang buhay, walang suot pang-ibaba at binalatan ang mukha ng biktima sa bakanteng lote sa Barangay Bangkal noong March 11.