LOOK: Defense Sec. Lorenzana nakapulong ang pinuno ng Ministry of Defense ng Vietnam

Nagkaroon ng official visit si Defense Secretary Delfin Lorenzana sa Vietnam ngayong linggo.

Nakipagpulong si Lorenzana kay Vietnamese General Ngo Xuan Lich sa Hanoi mula araw ng Lunes hanggang Miyerkules.

Sa ipinadalang text message ni Lorenzana, sinabi nitong natalakay sa pulong ang mga aktibidad ng China sa South China Sea.

Napagkasunduan aniya sa pulong ang pag-iral ng Code of Conduct.

Base naman sa inilabas na ulat ng Ministry of Defense ng Vietnam sa kanilang website, napag-usapan ng dalawang lider ang sitwasyon ng dalawang bansa.

Tinalakay din anila ang pagpapaigting ng bilateral defense at kooperasyon ng Pilipinas at Vietnam.