Susunod na batch ng kaso laban sa iba pang narco politicians inihahanda na ng DILG

Inihahanda na ng Department of Interiot and Local Government (DILG) susunod na batch ng kasong isasampa laban sa mga narco politician.

Ayon kay DILG Undersecretary Jonathan Malaya, mayroon pang 20 local officials na sangkot umano sa illegal drug trade ang makakasuhan.

Tuloy-tuloy aniya ang ginagawang validation sa nalalabing narco politicians na nasa narcolist.

Hindi naman nagbigay ng petsa si Malaya kung kailan maihahain ang kaso sa iba pang mga opisyal.

Kahapon pinangalanan na ni Pangulong Rodrigo Duterte ang mga opisyal na sangkot sa ilegal na droga.

Ito ay makaraang masampahan na sila ng reklamo ng DILG sa Office of the Ombudsman.