Senador Lacson pinaghahain ng kaso laban kay House Speaker Arroyo dahil sa pagmaniobra sa 2019 budget

Pinadudulog na lamang ng palasyo ng malakanyang si senador panfilo lacson sa korte para magsampa ng kaso kung sa paniwala niya ay minamanipula ni House Speaker Gloria Macapagal Arroyo ang 2019 national budget.

Ayon kay Presidential Spokesman Salvador Panelo, malaya naman ang sinuman na maghain ng kaso sa korte.

Wala na rin aniyang balak si Pangulong Rodrigo Duterte na ipatawag muli ang mga mambabatas para ayusin ang gusot sa budget.

Matatandaan na noong Martes ng gabi, ipinatawag ni Pangulong Duterte ang mga kinatawan ng kongreso para pag-usapan ang budget subalit wala ring napala.

Sa ngayon, gumagana ang gobyerno sa ilalim ng reenacted budget.

Ayon kay Panelo, nakahanda naman ang economic managers ni Pangulong Rodrigo duterte na tugunan ang mga maantalang proyekto dahil sa reenacted budget.

“Kung sinasabi mong unconstitutional it behooves them to file appropriate charges against whosever has violated any law (in this case the speaker, yes?) whoever, kung sino gumawa noon” ayon kay panelo.