Itinanggi rin ni Subic Mayor Jefferson “Jay” Khonghun ang alegasyon na isa siyang narco politician.
Ayon kay Khonghun, ang alegasyon ay kagagawan ng kanyang karibal sa pulitika.
Ang pagtanggi ni Khonghun ay matapos siyang masama sa narco list na inanunsyo ni Pangulong Rodrigo Duterte.
Sa kanyang Facebook Live video ay sinabi ni Khonghun na hindi niya kailangang magprotekta ng droga o maging drug lord dahil hindi naman siya ganoon kahirap.
Makikita naman sa video na katabi ng alkalde ang kanyang girlfriend na si Aiko Melendez.
Kahit kita sa video ay hindi naman nagsalita si Melendez at matamang nakikinig lamang ito kay Khonghun.
Ang Alkalde ay laging suportado ng aktres sa mga pagharap nito sa publiko lalo na sa gitna ng kontrobersya.
