Lalaki arestado sa droga at pampasabog sa Zamboanga City

Arestado ang isang lalaki na nakuhanan ng hinihinalang shabu at pampasabog sa buy bust operation sa Barangay Sta. Maria Zamboanga City Huwebes ng gabi.

Nabatid na nakatakas dati ang suspek sa operasyon noong Hulyo.

Nagtago ito sa lugar at nagrenta ng isang abandonadong sasakyan.

Narekober sa suspek ang 19 sachet ng shabu, dalawang MK-2 fragmentation grenade at isang pampasabog.

Nahaharap ang lalaki sa kasong illegal possession of drugs and explosives.