Violago itinanggi ang pagkasama sa narco list

Pinabulaanan ni San Rafael, Bulacan Mayor Cipriano Violago Jr. na sangkot siya sa kalakalan ng droga matapos siyang pangalanan ni Pangulong Rodrigo Duterte bilang narco politician.

Ayon kay Violago, nakipag-tulungan pa siya sa lahat ng imbestigasyon mula 2016 sabay sisi sa kanyang kalaban sa pulitika sa pagkasama niya sa narco list.

Sa kanyang Facebook post ay sinabi ng Alkalde na “cleared” siya sa lahat ng imbestigasyon at subject na para sa “de-listing” ang kanyang pangalan pero may humaharang mula umano sa Office of the President.

Handa umano si Violago na muling humarap sa imbestigasyon para linisin ang kanyang pangalan.