Retiradong police general itinalaga sa DOTr

Itinalaga ni Pangulong Rodrigo Duterte si retired Police Regional Director Cedrick Train sa isang posisyon sa Department of Transportation (DOTr).

Sa appointment paper na inilabas ng Malacañang araw ng Miyerkules, si Train ay magsisilbing Director IV ng Office for Transportation Security.

Papalitan ni Train si Miguel Fernando Oraa.

Noon pang March 6 nalagdaan ni Pangulong Duterte ang appointment paper ng bagong opisyal.

Si Train ay top graduate ng Philippine National Police Academy Class 1984.

Huli itong nanilbihan bilang regional director sa General Santos City.