Marawi City vice mayor inaresto sa kasong rebelyon

By Angellic Jordan March 13, 2019 - 07:35 PM

Inaresto si Marawi City, Lanao del Sur Vice Mayor Arafat Salic sa ikinasang joint law enforcement operation dahil sa kasong rebelyon, araw ng Miyerkules.

Ayon kay Philippine Army 103rd Infantry Brigade Commander Col. Romeo Brawner, kabilang si Salic sa Office of the Martial Law Administrator Arrest Order na inilabas noong September 4, 2017.

Naaresto aniya si Salic sa Marawi City Hall bandang alas 10:00 ng umaga.

Ayon pa sa opisyal, dumaan na ang bise alkalde sa custodial debriefing at medical check-up.

Sa ngayon, itinurnover si Salic sa Philippine National Police (PNP) para sa proper disposition.

Samantala, binati naman ni Brig. Gen. Roberto Ancan, commander ng 1st Infantry Division ng Philippine Army, ang matagumpay na implementasyon ng arrest order ng 103rd Brigade, 82nd Infantry Battalion at Marawi City PNP laban kay Salic.

Wala pang inilalabas na detalye ang AFP sa nasabing kaso.

TAGS: AFP, Marawi City, Martial Law, Mindanao, PNP, rebelyon, salic, AFP, Marawi City, Martial Law, Mindanao, PNP, rebelyon, salic

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.

Your subscription could not be saved. Please try again.
Your subscription has been successful.

Subscribe to our newsletter!

By providing an email address. I agree to the Terms of Use and acknowledge that I have read the Privacy Policy.