Ayon sa Mandaluyong City fire volunteers, halos paubos na rin ang lamang tubig ng fire hydrants sa Barangay Highway Hills.
Ang mga fire hydrants ay ang pinagkukuhanan ng tubig ng mga trak ng bumbero para sa pag-apula ng sunog.
Natuklasang paubos na ang suplay ng tubig sa fire hydrants nang makiusap ang mga residente sa lugar na doon muna kumuha ng tubig pero nang buksan ang mga ito, nadiskubre nilang mahina ang pressure at may kakaibang amoy ang tubig.
Nagulantang ang mga residente noong Linggo sa ipinatupad na umano’y walang abisong water interruption ng Manila Water
Ayon sa Manila Water, mahigit 50,000 kabahayan ang kasalukuyang walang ng tubig dahil sa kakulangan ng suplay.